حوار بين ابا جهل وابو تريكه...

أبو جهل : عمت مساءا يا أبا تريكة

أبو تريكة : احنا لسه بالنهار يا أبو جهل

أبو جهل : معلش اصلها مضلمه عندى من زمان .. لقد رايتك البارحه وانت تصول وتجول .

( عاريا الا من فانلة وشورت ) وتتراكلون من أجل قطعة من الحجر فما اهيفكم !!

أبو تريكه : امال لو شفت المشجعين والمصايب اللى بيعملوها هتقول ايه ؟

أبو جهل : صحيح احنا كان بنا سفاهه .. يعنى عندك واحد مثلى كنت اصنع الهه من العجوى
اعبدها ثم اكلها حين اجوع بس مش للدرجه دى

أبو تريكه : انت مشوفتش حاجه يا ابو جهل ناس بتشتم بعضها ورجاله بشنبات بتتعارك مع بعضها عشان الكورة اللى مش عجباك .. دا حتى لسه واحد مطلق مراته لما عرف انها بتشجع الزمالك

أبو جهل : هناك ما يدور فى شعاب قريش بانكم قد هاجمتم القافلة البيضاء بالسنج والمطاوى فأخذتم بعيرها وضربتم اميرها وبطحتم راس بنت اميرها .. هو انتوا فكرين نفسكوا ابرهه؟!

أبو تريكه : اكيد اللى عمل كده قله مندسه . كل واحد فيهم هتلاقيه كان شاربله قدحين من الخمر وحابسله نفسين حشيش سيبك منهم دلوقتى .. قولى انت بس ايه اللى حصلوكوا ف بدر .. سمعت ان المسلمين ضربوكوا على قفاكم


أبو جهل : لا تذكرنى يا فتى .. لقد ظبطنا المسلمين يومها .. وجلست ابكى قبل ن يجيبوا كرشى كما يبكى عبد الواحد السيد اليوم وهو ينظر الى شبكة مرمه المخرومة من كتر اللي شاله .

أبو تريكة : خلاص ملهاش حل غير ان انتوا تلعبوا مع الزملكوية ما تش واللي يتغلب ياخد المركز التالت

أبو جهل : خلاص راحت علينا من زمان ، ... بقولك ايه ياتريكة ما تيجي تلعب في صفوف قريش وأعطيك سُرة من الدنانير وجارية و11 ناقة ؟؟

ابو تريكة : ليه يا اخويا ؟! انت عاوز وانا بلعب معاكوا قدام الطائف أتـنـتـش سهم ولا حربة تضيع مستقبلي ؟؟ لا ياعم أنا مش مستبيع





طبعا ده هزار أنا من عشاق أبو تريكه

لا بس حلو اووووى الحوار ده

ابو جهل خد مطوه ولا سنجه ولا سيف

بعيد مع احترامى لابو تريكه لكن الزمالك قلعه بيضاء اعشقها حتى لو فيها ايه

NoUr_valntino كتب:

ابو جهل خد مطوه ولا سنجه ولا سيف

بعيد مع احترامى لابو تريكه لكن الزمالك قلعه بيضاء اعشقها حتى لو فيها ايه

هو انت زملكاوى يا نور ؟؟؟؟؟؟؟؟؟؟؟
الموضوع جميل يا ملوكة

ااااااااااااااااااااااااااااااااااااااااااااااااااه مع الاسف زملكاوى الى الابد

مع الاسف ومالك زعلان اوى كده ليه
ميرسى يا هدهد انتى وميمو على ردكم

ليه مع الاسف يانور ارفع رساسك فوء ياعم انت زملكاوي احنا احفاد الملوك ...انا هأولك حاجه محدش يعرفها كتير عن الزمالك احسن نادي في العااااااااااااااااااااااااااااااااااااااااااالم سنه 2003 واحنا نادي القرن الافريقي اللي الاهلي خدها بالرشوه ويكفينا ان احمد زويل زملكاوي

أحفاد الملوك مش عارفين يا خدو دورة رمضانية حتى

هسألك سؤال بس بالله عليك حاول تجاوب بسرعه من غير مدور في اي حته ولاتسأل حد (مين رقم 3 في الاهلي ) والله العظيم مهتعرف غير لما تعد تدور على النت وتسأل اصحابك وده الفرق بين الاهلاوي والوايت نايتس

ياأبني ماهو الفرق بين مانشستر ةو الأهلي مافيش فرق